Ağstafa rayon İcra Hakimiyyətinin başçısı Seymur Orucov rayonun hüquq-mühafizə orqanlarının rəhbərləri ilə birlikdə Ağstafa şəhərindən olan Vətən müharibəsi şəhidimiz Əhmədov Mahmud Fərman oğlunun adına inşa olunmuş bulaq abidə-kompleksini ziyarət edib.
Qaynarinfo xəbər verir ki, bulağın qarşısına əklil qoyulub, şəhidin xatirə lövhəsi önünə qızıl güllər düzülüb, əziz xatirəsi ehtiramla anılaraq ruhuna dualar oxunub.
Şəhidimizin ailəsi növbəti dəfə ziyarət olunub, onun vətənə, torpağa olan sonsuz sevgisindən və keçdiyi şərəfli döyüş yolundan geniş söz açılıb.
