Bakıda sərnişin avtobusu 15 yaşlı qızı vuraraq hadisə yerindən qaçıb. Bakı şəhər Baş Polis İdarəsindən Qaynar.info-ya verilən məlumata görə, hadisə S.Ə.Şirvani küçəsində qeydə alınıb.
Belə ki, naməlum avtobus 1999-cu il təvəllüdlü Təhminə Səfərovanı vurub. Qız ağır bədən xəsarətlərilə xəstəxanaya yerləşdirilib.
Xətai rayon Polis İdarəsi 34-cü polis bölməsinin keçirdiyi əməliyyat tədbirləri nəticəsində T.Səfərovanı vuraraq hadisə yerindən qaçmaqda şübhəli bilinən 1969-cu il təvəllüdlü Elman İsmayılov idarə etdiyi “Daewoo” markalı avtobusla birlikdə tutulub.
Faktla bağlı araşdırma aparılır.
Qaynar.info
