Azərbaycanda tanınmış xanım müğənni həbs edilib.
"Qaynarinfo" xəbər verir ki, APA-nın məlumatına görə, Məmmədova Fədayə Baris qızı (Fədayə Laçın) oktyabrın 23-də Bakı-Astara-Bakı qatarından qaçan məhbuslara yardım etməkdə təqsirləndirilir.
F. Laçın həmin iş üzrə təqsirləndirilən şəxs qismində cəlb edilməkdə barəsində Nəsimi rayon Məhkəməsinin qərarı ilə həbs qətimkan tədbiri seçilib.
16:38
***
Yenicag.az saytı məsələ ilə bağlı Nəsimi rayon Məhkəməsinə müraciət edib. Lakin saytımıza açıqlama verən məhkəmənin baş məsləhətçisi Elnur Əzizov da məlumatı təkzib edib. Onun sözlərinə görə, burada Fədayə Laçınla bağlı hər hansısa bir işə baxılmayıb, onun barəsində həbs qətiimkan tədbiri seçilməyib. Məhkəmədə yalnız istintaq orqanlarının müraciəti əsasında işə baxıla bilər. Bizə isə belə bir müraciət yoxdur”.
Qeyd edək ki, müğənninin bacısı İlahə Fəda da sayta açıqlamasında məlumatı təkzib edərək, Fədayənin Xaçmazda olduğunu bildirib.
Qeyd edək ki, oktyabrın 23-də Bakı- Astara - Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hazırda Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
Qaçan məhbuslardan Əli Ağami bir neçə gün sonra Şirvan şəhərində tutulub.
Etibar Ələkbər oğlu Məmmədovun axtarışı istiqamətində tədbirlər davam etdirilir.
Qaynarinfo.Az
