Rusiyanın lizinq şirkəti "İlyuşin finans" bu gün Azərbaycanın "AZAL" hava yolları ilə MC-21 təyyarələrinin satışı haqda müqavilə imzalamağa hazırlaşır.
ANS PRESS-in TASS-a istinadən verdiyi məlumata görə, müqavilə 10 təyyarənin satılmasını nəzərdə tutacaq. Təyyarələrin nə zaman çatdırılacağı isə hələlik naməlumdur.
İyunun 8-də AZAL-la müqavilənin imzalanağı haqda məlumatı "İlyuşin finans" şirkətinin baş direktoru Aleksandr Rubtsovda təsdiq edib. O, bu müqavilənin planlar haqda olacağını qeyd etsədə satılacaq təyyarələrin sayını şərh etməyib.
МС-21 (XXI əsrin Maqistral təyyarəsi) "İrkut" şirkəti tərəfindən tərtib olunur və yığılır. Hazırda təyyarənin yalnız bir nüsxəsi hazırdır və o rəsmi mərasimdə ictimaiyyətə təqdim olunub. Təyyarənin ilk satışları 2018-ci ilin sonunda nəzərdə tutulub ("Aeroflotla" müqavilə çərçivəsində).
Qaynarinfo.az
