Bir neçə gün əvvəl Nərimanov rayonu Ziya Bünyadov prospektində, “Çermet” körpüsünün yan tərəfində yaşıllıq ərazinin dəmir konstruksiyalarla hasarlanması barədə məlumat vermşdik. "Bakıda yaşıllıqlara qarşı "soyqırımı" davam edir: Bu dəfə Nərimanovda" başlıqlı yazıda yaşıllıqların hədəfə alındığı bildirilirdi. Görüntüləri yaymaqda məqsədimiz aidiyyatı qurumların - Nərimanov İcra Hakimiyyəti və “Azəravtoyol” ASC-nin diqqətini məsələyə yönəltmək idi. Artıq “Azəravtoyol” məsələyə münasibət bildirib.
ASC--dən redaksiyamızın ünvanına daxil olan elektron məktubda bu ərazidə “Azəravtoyol” tərəfindən heç bir işin aparılmadağı bildirilir: "Sizin, 28 Oktyabr 2016 tarixli Yaşıllıqlara qarşı "soyqırım" - başlıqlı yazınıza cavab olaraq bildirmək istəyirik ki, sözügedən ərazidə “Azəravtoyol” ASC tərəfindən hər-hansı bir iş aparılmır və yol kənarıdakı yaşıllıqlara cavabdeh rayon İcra Hakimiyyətidir. Bu yazı “Azəravtoyol” ASC ilə dəqiqləşdirilmədən yazılıb və cəmiyyətin adı məsələyə aid olmasa da hallandırılıb".
Qaynarinfo.Az
