Azərbaycan Dəmir Yolları Qapalı Səhmdar Cəmiyyətinin (QSC) əməkdaşına qarşı 400 min manatlıq dələduzluq edilib.
"Report"un əldə etdiyi məlumata görə, Bakı şəhər sakini 1960-ci il təvəllüdlü Məmmədov Xanmirzə Şahbaz oğlu Nərimanov Rayon Polis İdarəsinin (RPİ) 17-ci Polis Bölməsinə (PB) ərizə yazaraq bildirib ki, 2013-cü ildə tanışı 1966-ci il təvəllüdlü Muradov Hümbət Mustafa oğlu Rusiya Federasiyasının Krasnodar şəhərində birgə armatur biznesi qurmaq adı ilə ondan 400 min manat alıb və indiyə kimi geri qaytarmayıb.
Zərərçəkmiş X.Məmmədov 2005-ci ilə kimi Səfərbərlik və Hərbi Xidmətə Çağırış üzrə Dövlət Xidmətinin Sabunçu İdarəsinin bölmə rəisi vəzifəsində çalışıb. 2016-ci ildən o, Azərbaycan Dəmir Yolları QSC-də işləyir.
H.Muradov isə Ədliyyə Nazirliyinin Məhkəmə Ekspertizası Mərkəzində ekspert kimi fəaliyyət göstərib. Hazırda o, Türkiyədə şəxsi bizneslə məşğul olur.
Faktla bağlı Nərimanov RPİ-də araşdırmalar aparılır.
Qaynarinfo.Az
