Yaralı nitq qabiliyyətini itirib
Cəlilabad rayonunda hərbi hissədə bədbəxt hadisə baş verib.
Qaynar.info-ya daxil olan məlumata görə, rayonun Göytəpə qəsəbəsindəki "N" saylı hərbi hissədə camaşırxanada çalışan qəsəbə sakini, 1966-cı il təvəllüdlü Qasımova Şərqiyyə Misir qızı iş zamanı xəsarət alıb.
Belə ki, yuyulmuş paltarları ütüləyən zaman qolu camaşır ütüləyən aparatın arasında qalıb. Ağır xəsarət alan Şərqiyyə Qasımova hərbiçilər tərəfindən Cəlilabad rayon Mərkəzi xəstəxanasına çatdırılıb.
Hadisənin travmatik təsirindən yaralı danışıq qabiliyyətini itirib.
Qeyd edək ki, Şərqiyyə Qasımova uzun müddətdir ki, hərbi hissədə çalışır.
Hazırda faktla bağlı araşdırma aparılır.
Qaynar.info
