Azərbaycan Milli Elmlər Akadmeiyasının Fizika İnstitutunda yanğın baş verib.
Trend xəbər verir ki, bu gün saat 10:30 radələrində AMEA-nın Fizika İnstitutunda yanğın olub. Hadisə yerinə Fövqəladə Hallar Nazirliyinin (FHN) yanğınsöndürmə briqadaları cəlb edilib.
Yanğınsöndürənlərin Trend-in hadisə yerində olan əməkdaşına verdiyi məlumata görə, elektrik şitində kiçik yanğın baş verib. Lakin onlar hadisə yerinə gələnədək yanğın institutun əməkdaşları tərəfindən söndürülüb.
Fizika İnstitutundan isə Trend-ə bildiriblər ki, hadisə elektrik şitində qısa qapanma səbəbindən baş verib. Yanğın zamanı xəsarət alan olmayıb.
Qaynar.info
