Bir neçə gündür mətbuatda iyun ayının 19-da növbəti əfv sərəncamının verilməsi ilə bağlı məlumatlar yazılır.
“Qafqazinfo” məsələ ilə bağlı Əfv Komissiyasının üzvü, deputat Məlahət İbrahimqızına müraciət edib.
M. İbrahimqızı qeyd edib ki, Əfv Komissiyasının iclasları yekunlaşıb: “Amma iş gedir. Bizə müraciətlər daxil olur. O müraciətlərə baxılır. Gündə əfv sərəncamı olmur. Hələ sonuncu əfv sərəncamının imzalamasından bir neçə gün keçib”.
Xatırladaq ki, ölkə başçısı sonuncu əfv sərəncamını mayın 26-da imzalayıb.
Qaynar.info
