Hadisə Quba-Xaçmaz yolunda baş verib
Xaçmazda ağır yol-nəqliyyat hadisəsi baş verib. Xaçmaz Rayon polis İdarəsindən Anspress-ə verilən məlumata görə, aprelin 21-də Xaçmazdan Qubaya gedən yolda “VAZ 2109” markalı avtomobilin ağaca çırpılması nəticəsində 2 nəfər dünyasını dəyişib.
Hadisə nəticəsində maşının sürücüsü 1984-cü il təvəllüdlü Həmidov Dəyanət Nüsrəddin oğlu və maşında olan digər sərnişin 1985-ci il təvəllüdlü Lednejova Pərvanə Tehran qızı hadisə yerində dünyasını dəyişiblər. Sürücünün Xaçmaz Rayon Dəmiryolu Xətt Polisi Şöbəsinin əməkdaşı olduğu bildirilir.
Faktla bağlı Xaçmaz Rayon Polis İdarəsində araşdırmalar aparılır.
Qaynar.info
