Tələbələr İİV müayinəsinə cəlb olunacaq
Azərbaycan bu il ilk dəfə olaraq Avropa regionunda keçirilən İİV-lə müayinə ilə bağlı Avropa həftəliyinə qoşulub.
APA-nın xəbərinə görə, bunu Respublika QİÇS-lə Mübarizə Mərkəzinin direktoru Esmira Alməmmədova Bakıda keçirilən “Dünya QİÇS həftəsi ərəfəsində yeniyetmələrin İİV testindən keçməsi istiqamətində təbliğat” mövzusunda beynəlxalq konfransda çıxışı zamanı deyib.
O bildirib ki, bununla bağlı noyabrın 22-dən 29-dək Azərbaycanın bir neçə regionunda, o cümlədən Bakı şəhərindəki ali və orta ixtisas təhsili müəssisələri tələbələrinin belə aksiyada iştirakı nəzərdə tutulub. E.Alməmmədova qeyd edib ki, hazırda 3 ali məktəbin tələbələri könüllülük prinsipi əsasında bu müayinələrdən keçib və nəticələrini bilib: “Bizim də məqsədimiz bu müayinədən keçmək, tələbələri, yeniyetmələrə bu xəstəlik haqqında məlumat verməkdir. Bu həftəliyin şüarı “İİV haqqında danış, söhbət et və testdən keç!”dir”.
Qaynar.info
