Xalq artisti Arif Quliyev uzun illərdən sonra həmkarı Naibə Əlibəyova ilə bir araya gəlib.
"Qaynar" axşam.az-a istinadən bildirir ki, "Bəyin oğurlanması" filmində bir çəkilən Miriş və Gülbadamın görüşünü "ATV maqazin onlarla" lentə alıb.
N.Əlibəyova uzun müddət sənətdən uzaqlaşmasının səbəbini açıqlayıb. O bildirib ki, xərçəngdən əziyyət çəkir:
"4 il əvvəl səhhətimdə problem yarandı. Həkimlərə müraciət etdim. Beynimdə şiş var idi. Müalicə ilə sağalmadım, əməliyyata getdim. Ona görə də teatrdan, filmlərdən uzaqlaşdım. 5 saat yarımdan sonra əməliyyat bitdi, elə bilirdim ölümə gedirəm. Danışığımı da itirmişdim, indi bir az bərpa olunub".
A.Quliyev "Heç ağlıma da gəlmirdi ki, onunla görüşüm. 4 ildir bir araya gəlmirdik" deyə, əlavə edib.
Qeyd edək ki, N.Əlibəyova "Bəyin oğurlanması" filmində "Salam-sağ ol" epizodu ilə məşhurlaşıb.
Qaynar.Az
