Türkiyənin Hatay bölgəsinin Reyhanlı qəsəbəsində İŞİD tərəfdarlarına qarşı keçirilən əməliyyatda 10 nəfər həbs olunub.
Publika.az xəbər verir ki, həbs olunan İŞİD-çilərdən 5-i Əfqanıstan, 2-si Azərbaycan, digərləri isə Tacikistan, Misir və Suriya vətəndaşıdır.
Həbs olunanlar avqustun 30-da Türkiyəyə qeyri-qanuni yollarla gəlib.
Onların səs-küylü terror aktı planlaşdırdığı ehtimal olunur. Türkiyə Suriyada İŞİD-ə qarı əməliyyat keçirdiyi bir vaxtda terror qruplaşmasının üzvləri Suriya ilə sərhəddəki Hatay bölgəsində terror aktları törətməklə, çaxnaşma yaradacaqdı. Türkiyə hüquq-mühafizə orqanları işlə bağlı istintaq aparır.
Qaynarinfo.Az
