Bakı Şəhər Prokurorluğu qurumun sabiq əməkdaşı Elçin Qurbanovun həbsi ilə bağlı yayılan məlumata aydınlıq gətirib.
Bakı şəhər prokurorluğundan Qaynarinfo-ya verilən məlumata görə, Qurbanov Elçin Müzəffər oğlu 21.02.2018-ci il tarixdə Bakı şəhər prokurorluğunun Təşkilat Analitik şöbəsinin böyük mütəxəssisi-dəftərxana müdiri vəzifəsindən azad edilib. Onun qanunsuz hərəkətlərə yol verməsi barədə daxil olmuş müraciətlər əsasında 09.04.2018-ci il tarixdə Azərbaycan Respublikasının Baş Prokuroru tərəfindən Azərbaycan Respublikası CM-nın 178.2.1 və 310-cu maddələri ilə başlanaraq istintaqın aparılması Azərbaycan Respublikasının Baş Prokuroru yanında Korrupsiyaya qarşı mübarizə Baş İdarəsinə həvalə edilib.
Aparılmış istintaq zamanı Qurbanov Elçin Müzəffər oğlu Azərbaycan Respublikası CM-nın 310, 178.2.1, 178.2.4, 32.4, 312.1-ci maddələri ilə təqsirləndirilən şəxs qismində cəlb edilib və barəsində məhkəmənin qərarı ilə həbs qətimkan tədbiri seçilib.
Cinayət işi 20.08.2018-ci il tarixdə baxılması üçün Bakı şəhəri, Xətai rayon məhkəməsinə göndərilib.
