Bakıda ötən gecə yaşayış binasının qarşısında 3 avtomobil yanıb. FHN-dən verilən məlumata görə, hadisə Nəsimi rayonunda baş verib. “Hyundai", "Audi" və “Qazel” markalı avtomobillər yanıb. Yanğın saat 03:12-də yanğın söndürənlər tərəfindən söndürülüb.
Hadisə barədə həmin binada yaşayan Səbinə Quliyeva da video paylaşıb. O qeyd edib ki, yanan maşınlar uşaq bağçasının həyətində dayanıbmış. Yanğınsöndürən maşınlar binanın həyətindəki yolun dar olması səbəbindən əraziyə daxil ola bilməyiblər. Buna görə ilk olaraq bina sakinləri öz imkanları hesabına yanğını söndürməyə çalışıblar.
