Bakıda güclü partlayış baş verib. Qaynar.info Fövqəladə hallar Nazirliyinin saytına istinadən xəbər verir ki, Nəsimi rayonunda birmərtəbəli çoxmənzilli kommunal tipli yaşayış binasında məişət qazının sızması nəticəsində partlayış hadisəsi baş verib.
Yanğın hadisəsi olmayıb. Partlayış nəticəsində vətandaşlara məxsus beş mənzilin qapı və pəncərələri çərçivədən çıxıb, arakəsmə divarları uçub. Hadisə zamanı 1 nəfər yüngül yanıq xəsarəti alıb.
Hadisə ilə əlaqədar müvafiq qurumlar tərəfindən təhqiqat aparılır.
Qaynar.info
