Bakı Şəhər Dövlət Yol Polisi İdarəsinin (BŞDYPİ) əməkdaşları paytaxtda kütləvi reydlərə başlayıblar. APA TV-nın məlumatına görə, təşkil olunan reydə 100-ə yol patrul xidmətinin əməkdaşı iştirak edib. Reyd Bakının bütün rayonlarını əhatə edib.
Reyd zamanı yol polisinin qanuni "Dur!" əmrinə tabe olunmadan qaçan və yolda qəza vəziyyəti yaradan avtoxuliqanlar da saxlanılıb.
Paytaxtın Yasamal rayonu ərazisində yol polisinin "Dur!" əmrinə tabe olmayan "90 FS 036" dövlət nömrə nişanlı "BMW" markalı avtomobilin sürücüsü qorxulu anların yaşanmasına səbəb oldu.
Belə ki, yüksək sürətlə hərəkət edən avtomobilin sürücüsü təhlükəli manevrlər edərək dəfələrlə qəza şəraiti yaradıb. Polisdən qaça biləcəyini zənn edən sürücü dəfələrlə ara küçələrə girərək gözdən itməyə cəhd göstərib. Lakin sürücünün saxlanılması üçün əlavə polis qüvvəsi cəlb olunub.
Yalnız sürücünü yaşadığı binanın həyətinə girən zaman durdurmaq olub. Maşını saxlayan gənc cəld evlərinə qaçıb. Buna baxmayaq polis əməkdaşları onu tuta biliblər.
Saxlanılan gəncin yaxınları ilə polis arasına mübahisə yaranıb, sakinlər saxlanılmış qanun pozucusunu polisin əlindən almaq üçün onlara qarşı zor tətbiq ediblər.
Qaçarkən yıxılaraq başından kiçik xəsarət alan gəncə çağırılan təcili yardım kömək göstərib.
"Avtoxilqan"ı saxlayan yol polisinin səhhəti də qəfil pisləşib. Gülhüseyn Əliyev dərhal xəstəxanaya çatdırılıb. Xəstəxanadan verilən məlumata görə, yol polisinə ilkin tibbi yardım göstərilib, ambulator müalicə üçün evə buraxılıb.
Qeyd edək ki, reyd zamanı 45-ə yaxın sərxoş sürücü, 7 avtoxuliqan saxlanılıb.
BŞDYPİ-dən verilən məlumata görə, bu tipli reydlər bir neçə gün davam etdiriləcək.
Qaynar.info
