Hadisə avqustun 28-də gecə saat 04:00 radələrində baş verib. Naməlum şəxslər «Qaraçay» tikinti şirkətinin ofisinə soxularaq oradan içi pulla dolu olan seyfi aparıblar.
Xətai rayon Polis İdarəsindən vesti.az-a verilən məlumata görə, basqınçılar ofisin mühafizəçisi, 1948-ci il təvəllüdlü Zama Bəşirovanı bıçaqla hədələyərək onun əl-qolunu bağlayıblar. Daha sonra ofisə girərək içində 50 min manat və şirkətin sənədləri olan seyfi oğurlayıblar.
Basqınçıların şəxsiyyəti hələ müəyyən edilməyib. Polis faktla bağlı araşdırma aparır.
Qaynar.info
