Bu gün Türkiyə kömür mədənində baş vermiş faciə ilə əlaqədar bu ölkənin Bakıdakı səfirliyi qarşısına keçirilən aksiya zamanı jurnalist, yazar Sona Yaqubovanı maşın vurub.
Aktual.az-ın hadisə yerində olan müxbirinin məlumatına görə, hadisə Sona Yaqubova anım yürüşünə qatılmaq üçün aksiya iştirakçılarının toplaşdığı əks istiqamətə yolu keçərkən baş verib. Jurnalist dərhal yaxnlıqdakı 1 saylı şəhər kliniki xəstəxanaya yerləşdirilib. Aparılan ilkin müayinədən sonra jurnalistin güngül xəsarət aldığı məlum olub. Ona yüngül kəllə-beyın travması, sağ qolunun əzılməsı diaqnozu qoyulub. Sağ qolu gipsə qoyulan gənc yazar evə buraxılıb.
Sona Yaqubova Aktual.az-a açıqlamasında vəziyyətinin qənatbəxş olduğunu bildirib: "Narahat olmayın yaxşıyam. mənə görə narahatlıq keçirən dostlarıma çox sağ ol deyirəm".
Qaynar.info
