BDU-nun Tarix fakültəsinin 4-cü kurs tələbəsi Ramilə Kitçiyevanın özünün də etiraf etdiyi kimi, dekan müavini Asif Bayramovun işdən çıxarılması onun şikayəti ilə əlaqəli deyil.
Qaynar.info xəbər verir ki, bu barədə AzNews.az-a BDU-dan məlumat daxil olub. Məlumatda bildirilir ki, dekan müavini səhhəti ilə əlaqədar tutduğu vəzifədən çıxmaq üçün müraciət edib.
Cəfər Xanəliyevin fakültənin tyutoru vəzifəsindən xaric olunması ilə bağlı əmr yoxdur.
Bildirək ki, tələbənin qaldırdığı şikayət ilə əlaqədar BDU-da AMEA-nın müxbir üzvü Vasif Babazadənin rəhbərliyi ilə komissiya yaradılıb. Hazırda komissiya şikayətin araşdırılması istiqamətində işə başlayıb və yaxın günlərdə bununla bağlı mətbuata açıqlama veriləcək.
Qaynar.info
