Bakı Şəhər Mədəniyyət və Turizm İdarəsinin tabeliyində olan mərkəz və muzeylərdə 18 may – Beynəlxalq Muzeylər Günü münasibətilə bir sıra tədbirlər keçiriləcək.
İdarədən AzərTAc-a bildiriblər ki, C.Cabbarlının ev-muzeyi, M.S.Ordubadinin xatirə muzeyi, C.Məmmədquluzadənin ev-muzeyi, Ə.Əzimzadənin ev-muzeyi, N.Nərimanovun xatirə muzeyi, Azərbaycan Dövlət Din Tarixi Muzeyi, Qaradağ Rayon Heydər Əliyev Mərkəzi və Yasamal Rayon Heydər Əliyev Mərkəzinin təşkilatçılığı ilə reallaşacaq tədbirlər “Muzeylər – milli sərvətimizdir”, “Muzeylər – yaşayan tarix”, “Muzeylər maariflənmə ocağıdır”, “Hər bir muzey tarixin aynasıdır”, “Muzeylərimiz bu gün”, “Hər bir muzey bir abidədir” və “Muzeylər tariximizi yaşadır” mövzularını əhatə edəcək.
Mayın 18-də, həmçinin Bakı Şəhər Mədəniyyət və Turizm İdarəsinin təşkilatçılığı ilə Filarmoniya bağında tədbir keçiriləcək.
Qaynar.info
