Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Bibilərinə məxsus evdən televizor oğurladılar - Məhkəmə cəzalandırdı
Masallı rayonunda bibilərinə məxsus evdən oğurluq edən iki qardaş barəsində məhkəmə hökmü çıxarılıb.
Qaynarinfo xəbər verir ki, ittihama görə, təqsirləndirilən şəxslər qabaqcadan əlbir olaraq bir qrup şəxs halında 2025-ci ildə Masallının Bədəlan kəndində yerləşən fərdi yaşayış evinə qanunsuz daxil olublar. Rusiya Federasiyasında yaşayan bibilərinə məxsus evin birinci mərtəbəsindəki pəncərəni açaraq içəri girən qardaşlar ikinci mərtəbədə yerləşən qonaq otağından iki ədəd "Samsung” markalı televizor oğurlayıblar.
Oğurlanan əmlaklardan birinin dəyəri 2700 manat, digərinin isə 1500 manat olub. Nəticədə zərərçəkmiş şəxsə ümumilikdə 4200 manat məbləğində maddi ziyan vurulub.
Məhkəmə istintaqı zamanı hər iki təqsirləndirilən şəxs elan olunmuş ittiham üzrə özlərini təqsirli bildiklərini deyiblər. Onların ifadələrinə əsasən, əvvəlcə axşam saatlarında oğurluq etmək istəsələr də, bunu həyata keçirə bilməyiblər. Növbəti gün səhər saatlarında yenidən evə gələrək pəncərə vasitəsilə içəri daxil olub iki televizoru götürüblər.
Qardaşlar oğurladıqları televizorlardan birini Bakı şəhərində 70 manata satdıqlarını bildiriblər. Sonradan əmlakın dəyərindən xeyli ucuz satıldığını və zərərçəkmiş şəxsin onların qohumu olduğunu nəzərə alaraq televizorlardan birini geri qaytarmaq qərarına gəldiklərini qeyd ediblər. Lakin geri qayıdarkən polis əməkdaşları tərəfindən saxlanılıblar.
Təqsirləndirilən şəxslər məhkəmədə zərərçəkmişə vurulan maddi ziyanın ödənildiyini bildirərək onlara yüngül cəza təyin edilməsini xahiş ediblər.
Məhkəmənin hökmü ilə hər iki müttəhim Cinayət Məcəlləsinin 177.2.1 (Oğurluq - qabaqcadan əlbir olan bir qrup şəxs tərəfindən törədildikdə) və 177.2.3-cü (Oğurluq - yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə) maddələri ilə təqsirli bilinib. Onlardan biri 3 il 3 ay müddətinə azadlıqdan məhrum edilib.
Digəri isə 3 il müddətinə azadlıqdan məhrumetmə cəzasına məhkum olunsa da, onun ev dustaqlığında saxlanıldığı müddət cəzadan çıxılıb və üzərində qəti olaraq 2 il 5 ay 5 gün müddətinə azadlıqdan məhrumetmə cəzası saxlanılıb.
Seyid
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər