Sosial şəbəkələrdə evə təcili tibbi yardım briqadası çağırmaqla, koronavirus testi etdirməyin mümkünlüyü barədə məlumat yayılıb.
Qaynarinfo xəbər verir ki, məsələ ilə bağlı "Tibbi Ərazi Bölmələrinin İdarəetmə Birliyi”nin (TƏBİB) "1542” nömrəli "Çağrı” Mərkəzinin əməkdaşı Azad Salmanov Modern.az-a faktı təsdiqləyib:
"Doğrudur. Bizə verilən məlumatda bildirilib ki, təcili tibbi yardımın "103” xidməti evdə analiz götürə bilər. Şəxsin özündə hansısa simptom hiss edib-etməməsindən asılı olmayaraq, bununla bağlı "103”ə müraciət edə bilər”.
A.Salmanov qeyd edib ki, analizin cavabları dərhal bildirilməyəcək:
"Götürülən analizlər laboratoriya şəraitində test edildikdən sonra vətəndaşa məlumat veriləcək”.
TƏBİB-in mətbuat aktibi Rəvanə Əliyeva Modern.az-a ətraflı məlumat veriləcəyini açıqlayıb.
