"Meşədə
yanğın istər-istəməz tüstünü çoxaldır”.
BunuQaynarinfo-ya açıqlamasında hərbi ekspert Azad İsazadə erməni silahlı qüvvələrinin
Şuşa meşələrinin yandırması ilə bağlı görüntülərindən danışarkən deyib. Onun
fikrincə, düşmən tərəfinin Şuşa meşələrini yandırması Azərbaycan ordusunun havaya
nəzarəti itirməsinə hesablanıb:
"Birincisi,
tüstü olan zaman bizim dronların havadan nəzarət etmək vəziyyəti çətinləşir.
İkincisi, erməni mənbələri məlumat yayır ki, Azərbaycan kəşfiyyat qrupları
Şuşanın ətrafındadır, Daşaltıda döyüşlər gedir, Laçın-Şuşa yolunu bağlayıblar və
s. Bu məlumatlar onu deməyə əsas verir ki, bizim kəşfiyyat qrupları meşələrdə
işləyir, hərəkət edir. Çalışırlar ki, orduya təbii maneə yaratsınlar, hərəkət
olmasın”.
Hərbi
ekspert hesab edir ki, əgər kəşfiyyat qrupları meşələrə keçə biliblərsə, deməli,
onların arxasınca əsas qüvvələr də gələ bilər:
"Söhbət
piyada və zirehli texnikalardan gedir”.
Qeyd
edək ki, Ermənistan Silah Qüvvələri daha bir terrora əl atıb. Onlar işğal
altında olan Azərbaycan ərazilərində Şuşa meşələrini qəsdən yandıraraq məhv
edirlər. Ermənistan Respublikası silahlı qüvvələrinin qadağan olunmuş
silahlardan istifadəsi nəticəsində müxtəlif nadir bitki və heyvan növləri məhv
edilib, flora və faunaya külli miqdarda ziyan vurulub.
Bahar
Rüstəmli
