"Bu,
xalq tərəfindən orduya köçürülən bir paydır. Elə insan var ki, bəlkə də boğazından
kəsib sonuncu 10 manatını orduya bağışlayıb".
Bunu Qaynarinfo-ya açıqlamasında hərbi ekspert Azad İsazadə Azərbaycan Silahlı Qüvvələrinə
Yardım Fonduna köçürülən ianələrin məbləği haqda danışarkən deyib. O bildirib
ki, orduya xalq tərəfindən edilən maddi dəstək prosesi davam edir:
"Xalq
orduya dəstək verməsəydi də, dövlət ordunu maliyyələşdirəcəkdi. Məsələ pulda
deyil, xalq orduya hər cür zəruri şeylər göndərir, mənəvi dəstək verir. Hər
şeyi pulla ölçmək olmaz".
Azad
İsazadə qeyd edib ki, bütün xalq dövlətə vergi verir:
"25
il ərzində biz xalq olaraq ordumuzu geyindirib, hazırlayıb, silah almışıq. Bu,
rəsmi yolla edilib. İndi isə xalq ürəyindən, kölnündən keçən dəstəyi orduya verib.
Bu prosesdə çoxun, azın fərqi yoxdur. Bu, könüllü bir yoldur. Ordu belə bir
qurumdur ki, ona nə qədər pul xərcləsən, onsuz da azdır. Onlar dövləti qoruyur.
Məqam gələndə onlar pulları güllə, mərmi formasında havaya, düşmənə tuşlayır. Hər
bir dövlət bu itkilərə hazırdır. Ona görə ordu saxlayır".
Qeyd
edək ki, Azərbaycanın işğal altında olan torpaqları azad etmək üçün əks-hücum hərbi
əməliyyatlarına başladıqdan sonra Silahlı Qüvvələrə Yardım Fonduna köçürülən
ianələrin məbləği açıqlanıb. Fonda yığılan ümumi məbləğin 218 milyon manata
yaxın olduğu bildirilib.
Bahar
Rüstəmli
