Tələbə Qəbulu üzrə Dövlət Komissiyası magistraturaya qəbul imtahanının nəticələrini açıqlayıb.
Azvision.az-ın əldə etdiyi məlumata görə, imtahanda ən yüksək bal toplayan tələbə İsmayıllı rayon sakini Şəhla Səmədlidir.
Bakı Dövlət Universitetinin Mexanika-riyaziyyat fakültəsinin tələbəsi olan Şəhla Səmədlinin iki imtahanda ümumi topladığı bal 141 olub və o, bu nəticə ilə respublika birincisidir.
Qeyd edək ki, Ş.Səmədli magistratura imtahanının I mərhələsində də 97 balı toplayaraq ən yüksək nəticəni əldə etmişdi.
Bildirək ki, Ş.Səmədli ali məktəblərə qəbul imtahanı zamanı 690 bal toplayıb.
Qaynar.info
