"Azərbaycan hər bir halda öz torpaqlarında ərazilərinin
işğal faktı ilə qətiyyən razılaşmaycaq”.
Bunu Qaynarinfo-ya açıqlamasında hərbi ekspert
Ramil Məmmədli Prezident İlham Əliyevin Azərbaycan xalqına müraciətini şərh edərkən
deyib. Ekspertin fikrincə, Ali Baş Komandan öz müraciətində münaqişənin həlli və
hərbi əməliyyatların dayandırılması ilə bağlı konkret fikirlərini və şərtlərini
irəli sürüb:
"Burada əsas hədəf Azərbaycanın ərazi bütövlüyünün
birmənalı olaraq qəbul olunmasıdır. Ermənistana tələb kimi irəli sürüldü ki, hərbi
birləşmələrini Qarabağ ərazisindən çıxarırsan və üzr istəyirsən. Bu, sözün əsl
mənasında bir sərkərdəyə, Ali Baş Komandana layiq olan çıxış idi. Münaqişənin həllində
bu günə kimi olan danışıqlar tamamilə öz çılpaqlığı ilə ortaya qoyuldu. Bundan
başqa, beynəlxalq təşkilatların mövqeyi tam olaraq ictimaiyyətə təqdim olundu,
dunya birliyinə göstərildi. Azərbaycan hərbi əməliyyatların başlanmasında
ümumiyyətlə, bu münaqişədə zərərçəkən tərəfdir və Azərbaycan hər bir halda öz
torpaqlarında ərazilərinin işğal faktı ilə qətiyyən razılaşmaycaq”.
Ramil Məmmədli bildirib ki, Prezidentin müraciətində
çox vacib məqamlardan biri də hərbi əməliyatların dayandırılmaycağı və işğal
altında olan ərazilərin tamamilə azad olunacağı mesajı idi:
"Bu ismarıc həm Azərbaycan xalqına çatdırıldı, həm
də Ermənistan və bütün beynəlxaq təşkilatlara”.
Qeyd edək ki, Prezident İlham Əliyev oktyabrın 4-də
Vətən müharibəsi ilə bağlı Azərbaycan xalqına müraciət edib.
Bahar Rüstəmli
