Ölkə 13:59 04.12.2023

Bu universitetin yataqxanası bərpa olunur

Azərbaycan Memarlıq və İnşaat Universitetinin (AZMİU) tələbə yataqxanası yenidən bərpa olunur.

Qaynarinfo xəbər verir ki, bu barədə Universitetin rektoru Gülçöhrə Məmmədova məlumat verib.

O bildirib ki, Azərbaycan əraziləri işğal olunanda yurdlarından didərgin düşən vətəndaşlar universitetin yataqxanasında məskunlaşmışdılar.

"Artıq torpaqlarımız işğaldan azad olunub. Vətəndaşlar doğma yurdlarına geri qayıdırlar. Tələbələr üçün universitetin yataqxanası yenidən bərpa olunur”, - rektor vurğulayıb.