Cəlilabad rayonunda bir nəfərin xəsarət alması ilə nəticələnən yol nəqliyyat hadisəsi baş verib.
ANS PRESS-in verdiyi məlumata görə, hadisə rayonun H.Əliyev prospektində qeydə alınıb.
Belə ki, Mahir Qürbətovun idarə etdiyi “VAZ-2106” markalı avtomobil prospekt boyu hərəkətdə olarkən qarşı tərəfdən gələn Cəlilabad sakini Rəşad Fətəliyevin idarə etdiyi “VAZ-2107” markalı minik avtomobilə toqquşub. Nəticədə “VAZ-2107”nin sürücüsü müxtəlif dərəcəli bədən xəsarətlərilə Cəlilabad rayon Mərkəzi Xəstəxanasına yerləşdirilib. Onun durumunun qənaətbəxş olduğu bildirilir.
Hadisə şahidlərinin ANS PRESS-in bölgə müxbirinə verdikləri məlumata görə “VAZ-2106”nın qarşısına yol hamarlayan ekskvatorun çıxması qəzanın baş verməsinə şərait yaradıb.
Qeyd edək ki, “VAZ-2106” markalı avtomoblin sürücüsü Məzahir Qürbətov Cəlilabad rayon polis şöbəsinin əməkdaşıdır. Faktla bağlı rayon polis şöbəsində araşdırma aparılır.
Qaynar.info
