"Kənarda qalanlar bizdən inciməsinlər. Bu məsələ böyük məsuliyyət tələb edir". Bu sözləri “Qafqazinfo”ya açıqlamasında Milli Şuranın vahid namizədi Cəmil Həsənlinin Seçki Qərargahının rəhbəri Həsən Kərimov bildirib.
Onun sözlərinə görə, artıq imza vərəqələri rayonlara göndərilib: “ Bizim imza toplayacaq şəxslərimiz rayonlara ezam olunub. Bizə müraciət edən şəxslərə imza vərəqələri vermişik. Elə çox imza vərəqimiz qalmayıb. Müsavat və AXCP partiyalarının imza toplamaqda çox böyük təcrübəsi var. Bunun üçün hər iki partiyada təcrübəli insanlar var”.
Həsən Kərimov Milli Şuraya daxil olan digər partiyaların bu prosesdən kənarda qalmasında münasibət bildirib:
“Biz bilirik ki, MSK-da imzalar siyasi sifarişlə yoxlanılacaq. Ona görə də bu məsələni bilən insanların üzərinə məsuliyyəti qoymuşuq. Kənarda qalanlar bizdən inciməsinlər. Bu məsələ böyük məsuliyyət tələb edir”.
Qeyd edək ki, Milli Şuranın vahid namizədi Cəmil Həsənlinin Seçki Qərargahında 45 min imzanı toplamaq üçün say da müəyyənləşdirilib
Müsavat - 21 min
AXCP - 21 min
KXCP - 1000
VHP - 1500
NİDA - 1000
ACP - 0
ALP - 0
EL - 0
Və başqaları: 0 imza...
Qaynar.info
