Azərbaycanın təhsil müəssisələrində qadınların sayı
kişilərə nisbətdə üstünlük təşkil edir.
Qaynarinfo xəbər verir ki, bu barədə təhsil
eksperti Kamran Əsədov məlumat verib. Onun sözlərinə görə, ölkənin ümumi təhsil
müəssisələrində müəllimlərin 80,1 faizi, orta ixtisas təhsil müəssisələrində
78,9 faizi, ali təhsil müəssisələrində 52 faizi, həkimlərin isə 62 faizi qadınlardır:
"Ümumi təhsil müəssisələrində şagirdlərin 46,9
faizi, orta ixtisas təhsil müəssisələrində oxuyanların 65,7 faizi, ali təhsil
müəssisələrinin tələbələrinin 48,2 faizi qızlardır. Elmi işçilərin 58,1 faizini
qadınlar təşkil edir. Son 5 ildə həm elmlər doktoru, həm də fəlsəfə doktoru
elmi dərəcəsi olan qadınların sayı 1,3 dəfə artıb. Azərbaycan Milli Elmlər
Akademiyasının həqiqi üzvlərindən 9-u, müxbir üzvlərindən isə 12-si qadındır”.
Bahar Rüstəmli
