Dünya 10:06 03.04.2024

Çin ən yüksək səviyyədə sunami həyəcanı elan etdi, Yaponiya isə...

Çin Xalq Respublikasının Təbii Sərvətlər Nazirliyi Tayvanın Hualien şəhəri yaxınlığında baş verən güclü zəlzələdən sonra sunami ilə əlaqədar ən yüksək - qırmızı səviyyədə həyəcan elan edib. 

Qaynarinfo xəbər verir ki, bu barədə Nazirlərin Sunami Xəbərdarlığı Mərkəzi məlumat yayıb.

Agentlik aydınlaşdırıb ki, zəlzələ onun episentri yaxınlığında sunamiyə səbəb olub.

Yaponiya Milli Meteorologiya İdarəsi isə Tayvanın şərq sahillərində baş verən zəlzələdən sonra ölkənin bəzi hissələri üçün verilmiş sunami xəbərdarlığını ləğv edib.

Aprelin 3-də səhər saatlarında Okinava prefekturasına daxil olan adaların sakinlərinə sunami təhlükəsi barədə xəbərdarlıq edilib. Xüsusilə, Yaeyama və Miyako adalarında insanlar mümkün təhlükə barədə məlumatlandırılıblar. Bununla belə, hakimiyyət hələ də vətəndaşları ehtiyatlı olmağa çağırır. Qeyd edilir ki, bu, cari gelgit səviyyəsinin dəyişdirilməsi təhlükəsi ilə bağlıdır.

Çərşənbə günü səhər Tayvanda son 25 ilin ən güclü zəlzələsi baş verib. Yerli vaxtla saat 07:58-də (Bakı vaxtı ilə 03:58) qeydə alınan zəlzələ 7,7 bal gücündə olub. Adanın Mərkəzi Meteorologiya İdarəsinin rəhbəri Vu Jianfu Tayvanda baş verən zəlzələnin 21 sentyabr 1999-cu ildən bəri ən güclü zəlzələ olduğunu bildirib. Onun sözlərinə görə, təkanlar bütün Tayvanda, o cümlədən mərkəzi və şimal hissələrində hiss olunub.

Qeyd olunur ki, 25 il əvvəl Tayvanın Jiji şəhərində 7,3 bal gücündə zəlzələ baş verib. O zaman 11 mindən çox insan yaralanıb.

Aydın