Daha bir azərbaycanlı məktəbli dünya universitetlərinin reytinq lideri Massaçussets Texnologiya İnstitutuna (MIT) tam təqaüdlə qəbul alıb.
Qaynarinfo "Azərbaycan Universitetləri" səhifəsinə istinadən xəbər verir ki, bu Fidan Qarayevadır.
Fidan fizika, riyaziyyat və informatika təmayüllü liseyin 11-ci sinif şagirdidir. O, həmçinin riyaziyyat fənni üzrə Respublika və Beynəxalq Olimpiadaların qalibi olub.
Qeyd edək ki, bu gün Fidanla yanaşı Türkiyə Dəyanət Vəqfi - Bakı Türk Liseyinin 11-ci sinif şagirdi Dəniz Səttarlı da Massaçusets Texnologiya İnstitutuna (MIT) bakalavr üzrə qəbul olub.
Qeyd edək ki, nüfuzlu beynəlxalq təşkilatlar ABŞ-ın Massaçusets Texnologiya İnstitutunu (MIT) dünyanın 1 nömrəli ali təhsil ocağı hesab edirlər.
