Azərbaycan paytaxtında müşahidə olunan dumanlı hava şəraiti Bakı şəhərindən və paytaxta yerinə yetirilən aviareyslərə ciddi təsir göstərməyib.
Bu barədə APA-ya Heydər Əliyev Beynəlxalq Aeroportundan bildirilib.
Hava limanından verilən məlumata görə, ötən gecə və hazırda Bakıda müşahidə olunan dumanlı hava heç bir aviareysin təxirə salınmasına səbəb olmayıb: «Dumanlı hava şəraiti sadəcə bir neçə aviareysi ləngidib. Lakin cədvəldə nəzərdə tutulmuş bütün aviareyslər – həm Bakıya enən, həm də Bakıdan uçan – hamısı yerinə yetirilib».
Qaynar.info
