Daxili İşlər Nazirliyinin Baş Dövlət Yol Polisi İdarəsi sürücülərə müraciət edib. İdarədən APA-ya daxil olan müraciətdə bildirilib ki, bu gün səhər saatlarında Quba və İsmayıllı istiqamətində yollarda buzlaşma müşahidə olunsa da , hazırda respublikanın avtomobil yollarında heç bir problem yoxdur.
İdarə yol-nəqliyyat hadisələrinin baş verməməsi üçün sürücülərdən diqqətli olmağı, idarə etdikləri avtomobillərdə mövsümi təkərlərdən istifadə etməyi, yüksək sürətdən uzaq olmağı məsləhət görüb.
