Dünya 22:42 29.02.2024

ECB, Almaniya və Fransa Rusiya aktivlərinin müsadirəsindən qorxur - "Bloomberg"

Fransa, Almaniya və Avropa Mərkəzi Bankının (AMB) nümayəndələri G20 ölkələrinin maliyyə nazirləri və mərkəzi bank rəhbərlərinin görüşü çərçivəsində San-Pauluda danışıqlar zamanı dondurulmuş Rusiya aktivlərinin mümkün müsadirəsi ilə bağlı narahatlığını bildiriblər. 

Qaynarinfo xəbər verir ki, bu barədə "Bloomberg" mənbələrə istinadən məlumat yayıb.

Mənbənin sözlərinə görə, Paris, Berlin və ECB Rusiya Federasiyasının Avropa aktivləri ilə bağlı potensial cavab tədbirlərindən, belə bir addımın bütövlükdə qlobal maliyyə sisteminin sabitliyinə mənfi təsirindən, eləcə də avronun ehtiyat valyuta roluna görə qorxur. Qərb ölkələri üçün təhlükə ondan ibarətdir ki, aktivlərin çıxarılması digər ölkələri Qərb valyutalarında ehtiyat saxlamaqdan çəkinməyə təşviq edəcək presedent yaradacaq.

Avropa İttifaqı, Kanada, ABŞ və Yaponiya Rusiyanın təqribən 300 milyard dollar məbləğində aktivlərini dondurub. Bunların təxminən 5-6 milyard dolları ABŞ-da, əksəriyyəti isə Avropa İttifaqında, o cümlədən beynəlxalq Belçikada platforması "Euroclear"dadır. 

Rusiya Federasiyası xarici işlər nazirinin müavini Sergey Ryabkov xəbərdarlıq edib ki, Qərbin Rusiya aktivlərinin müsadirə edilməsi ilə bağlı təhdidləri reallaşarsa, Moskva tədbirləri, o cümlədən "güzgü effekti" tədbirləri görəcək. Rusiya Bankının sədri Elvira Nabiullina vurğulayıb ki, aktivlərin Qərb tərəfindən müsadirə edilməsi və dondurulması presedent kimi qlobal maliyyə sisteminin ümumi inkişafı üçün mənfi nəticələrə səbəb olacaq.

Aydın