Prezident İlham Əliyevin növbəti əfv sərəncamının icrası başa çatıb.
Bu məqsədlə Şəki Pentensiar müəssisəsində də tədbir keçirilib. Bəzi məhkumlar azadlığa buraxılıblar.
Qaynar.info-nun Kanal S-ə istinadən bildirir ki, əfv sərəncamı Şəki Penitensiar müəssisəsinin 7 nəfər məhkumuna da şamil olunub. Bu münasibətlə Şəki Penitensiar müəssisəsində tədbir keçirilib. Tədbirdə çıxış edənlər azadlığa çıxanları təbrik edib və onlara bundan sonrakı fəaliyyətlərində uğurlar arzulayıblar. Daha sonra Şəki Pentensiar xidmətinə ilk dəfə şamil olunan sərəncamın icrası həyata keçirilib.
Prezidentin əfv sərəncamı məhbusların ailələri tərəfindən də böyük sevinclə qarşılanıb.
Qeyd edək ki, Sərəncam ümumilikdə 175 məhkuma şamil olunub. Sərəncamla azadlıqdan məhrum etmə cəzasına məhkum edilmiş 157 şəxs cəzanın çəkilməmiş hissəsindən, azadlıqdan məhrumetmə cəzasına şərti olaraq məhkum edilmiş 2 nəfər, islah işləri cəzasına məhkum edilmiş 1 nəfər cəzadan, 11 nəfər isə cərimə cəzasından azad edilib. Əfv sərəncamı bəzi xarici ölkə vətəndaşlarına da şamil olunub.
Qaynar.info
