"Bu, çox biabırçı görüntüdür. Məktəbli
formasının satışını bu şəkildə deyil, bir neçə məntəqədə həyata keçirmək lazım
idi”.
Bunu Qaynarinfo-ya açıqlamasında təhsil
eksperti Elçin Əfəndi Bakı Tikiş Evinin qarşısında məktəbli formasının satışı
ilə bağlı yaranmış acınacaqlı vəziyyəti əks etdirən vodeodan danışarkən deyib. Ekspert bildirib ki, məktəbli
formasının alınması vacib deyil:
"Kim istər alar, kim istəməz, yox. Məktəbli
forması eyni qiymətə satılmalıdır ki, hər bir vətəndaşın onu almaq imkanı
olsun. Pandemiya bitməyib, karantin dövrünün də vaxtı uzadılıb, virusa
yoluxanların sayı da gündən-günə artmaqdadır. Bütün bu amillərdən sonra məktəbli
formasını bu şəkildə satışa çıxartmaq doğru deyil”.
Elçin Əfəndi məktəbli formanın satışını
təşkil edənləri düşünməyə səsləyib:
"Bu gün valideyn övladına məktəbli forması
almaq üçün evdən çıxanda belə mənzərə ilə qarşılaşmalı deyil. Valideyn övladına
rahat şəkildə paltar almalıdır”.
Bahar Rüstəmli
