Əməliyyat zamanı evdən külli miqdarda narkotik maddə aşkarlanıb
Bakıda narkotik vasitələrin qanunsuz dövriyyəsi ilə məşğul olan şəxs tutulub.
Bakı şəhər Baş Polis İdarəsindən ANS PRESS-ə verilən məlumata görə, əməliyyat Suraxanı rayon Polis İdarəsinin Narkotiklərlə Mübarizə Bölməsi əməkdaşları tərəfindən həyata keçirilib.
Keçirilən əməliyyat tədbirləri nəticəsində Əmircan qəsəbə sakini, əvvəllər məhkum olunmuş Zakir Hacıağayevin Q.Qarayev küçəsindəki evindən 2 kiloqramdan artıq marixuana tapılıb.
Onun həyətindən isə 6 ədəd, ümumi çəkisi 350 qram olan çətənə kolu aşkar edilib.
Faktla bağlı araşdırma aparılır.
Qaynar.info
