Bu gün səhər saatlarından etibarən Heydər Əliyev adına Hava Limanında ərəbistanlı və iraqlı turistlər problemlə qarşılaşıb. Bu haqda sosial şəbəkələrdə fotolar və məlumatlar da paylaşılıb.
Turistlər bildirib ki, 4 saatdır adları siyahıda tapılmır və bu formada tıxac əmələ gəlib. Əcnəbilərin sözlərinə görə, bu barədə heç bir məlumat verilməyib, sadəcə, adlarının siyahıda çıxmamasına görə, gözləmək tələb olunub.
Admiral.az bununla bağlı Azərbaycan Hava Yolları (AZAL) ilə əlaqə saxlayıb. AZAL-dan bildirilib ki, turistlərin hərəkəti ilə bağlı şirkət tərəfindən heç bir maneə yoxdur: “Əgər turistlərin adları siyahıda çıxmayıbsa, onlar ilk növbədə bilet aldıqları aviaşirkətlə əlaqə saxlayıb məsələni aydınlaşdırmalıdır. Çünki AZAL tərəfindən turistlərin gəliş-gedişində heç bir maneə yaradılmayıb”.
Qaynarinfo.Az
