Ermənistan tərəfinin cəbhəboyu törətdiyi yanğınlar yenidən təsərrüfata ziyan vurub. Anspress-in məlumatına görə, ermənilər Xocavənd rayonunda yanğınlar törətməyə başlayıblar.
Alov Xocavənd rayonunun Haramı düzü adlanan ərazisindəki taxıl sahələrinə keçib.
Rayon İcra Hakimiyyətindən anspress-in bölgə müxbirinə verilən məlumata görə, hadisə nəticəsində 41 ha ərazidə biçilməmiş taxıl sahəsi yanıb.
Yanğın artıq söndürülüb.
Hazırda dəymiş ziyan dəqiqləşdirilir.
Qeyd edək ki, son zamanlar ermənilər cəbhəyanı ərazilərdə demək olar ki, hər gün yanğınlar törədirlər.
Qaynar.info
