Faciə ilə xatırlanan Xocalının doğma övladları yurdlarına qayıtmağı səbirsizliklə gözləyirlər.
AzTV-yə danışan Əbdülovlar ailəsi bildirib ki, ailə başçıları Xocalı həsrəti ilə dünyadan köçüblər, qonşuları şəhid olublar. Xocalıya qayıdış ağrılı olsa da, o günü səbirsizliklə gözləyirlər.
Yeganə Əbdülova deyir ki, ilk köç müjdəsini Ali Baş Komandan İlham Əliyevdən alıb:
"Biz artıq Xocalıya qayıdış üçün imza atmışıq”.
Ailənin tək övladı Anar Əbdülovun Xocalıdan çıxanda 9 yaşı olub. Hazırda o, tarix müəllimi kimi Xocalı məktəbində dərs deyir. Bu mənada Xocalıya qayıdış onun üçün daha məsuliyyətlidir.
