Braziliya Futbol Federasiyası üzvlərinin əksəriyyəti təyyarə qəzasında həlak olan “Şapekoense” klubuna texniki məğlubiyyət verib.
Buna “Şapekoense”nin Braziliya A seriyasının son turunun “Atletiko MG” ilə oyununa çıxmaması səbəb olub. Federasiyanın kluba 0:3 hesablı texniki məğlubiyyətlə yanaşı, 30 min avro məbləğində pul cəzası verəcəyi də gözlənilir.
Bu qərar yerli mətbuatda böyük əks-səda doğurub. Məsələylə bağlı federasiyadan hələ ki heç bir açıqlama verilməyib. “Şapekoense” rəhbərliyi isə daha əvvəl bu oyuna çıxmaq ehtimallarının olmadığını açıqlamışdı.
Xatırladaq ki, noyabrın 29-da içində “Şapekoense” klubunun üzvlərinin də olduğu təyyarə Kolumbiyanın Medelyin şəhərinin yaxınlığında dağlıq bölgədə qəzaya uğrayıb. Qəza nəticəsində təyyarədəki 77 sərnişindən 71-i dünyasını dəyişib.(publika.az)
Qaynarinfo.Az
