Bu gün saat 22:00-dan etibarən Əhməd Rəcəbli küçəsində nəqliyyat vasitələrinin hərəkəti hissə-hissə məhdudlaşdırılacaq.
Nəqliyyatı İntellektual İdarəetmə Mərkəzinin verdiyi xəbərə görə, yol cizgiləri xətlərinin, piyada keçidlərinin və yol göstərici xətlərin yenidən rənglənməsi məqsədilə bu gün saat 22:00-dan etibarən, Əhməd Rəcəbli küçəsində (Təbriz küçəsi ilə kəsişmədən Cəfər Xəndan küçəsi ilə kəsişməyə qədər) nəqliyyat vasitələrinin hərəkəti hissə-hissə məhdudlaşdırılacaq.
Sürücülərə alternativ olaraq Aşıq Molla Cüma küçəsindən və Atatürk prospektindən istifadə etmələri tövsiyə olunur.
Təmir işləri “Azəryolservis” ASC tərəfindən aparılır.
Qaynar.info
