"Humanitar
atəşkəs ümumiyyətlə, döyüşlərin tam dayandırılması demək deyil”.
BunuQaynarinfo-ya açıqlamasında hərbi ekspert Ramil Məmmədli deyib. O bildirib ki,
humanitar atəşkəs həlak olanların müəyyənləşdirilməsi, ərazidə cəsədlərinin
yığışdırılması və təhvil-təslim edilməsi, yaxud da mülki əhalinin döyüş gedən ərazidən
çıxarılmasıdır:
"Bəzən
belə fikirlər səsləndirirlər ki, Ermənistan bundan istifadə edib öz mövqelərini,
müdafiə xəttlərini möhkəmləndirəcək. Bu, hansısa hərbi hərəkətlənməsi, hərbi
manevlərin icra olunması demək deyil. Azərbaycan razılaşmalıdır ki, Ermənistan
gəlib ərazidən meyitlərini götürsün. Ermənistan tərəf isə öhdəlik götürür ki, hər
hansı bir təyinatlı vasitələrin manevlərini həyata keçirməyəcək. Yalnız bu
halda humanitar atəşkəs imzalanır”.
Ramil
Məmmədlinin fikrincə, humanitar atəşkəsin olması zəruridir:
"Çünki
döyüş gedən ərazidə həlak olan şəxslərin meyitləri var. Meyitlərin
yığışdırılması, təhvil-təslim edilməsi kimi proseslər döyüşlərin müəyyən mərhələsində
icra olunmalıdır. Əks təqdirdə ərazidə gigiyenik problemlər yarana bilər. Meyit
bir gündən sonra sıradan çıxır, belə halların qarşısı alınır. Düşmən itki verə-verə
geri çəkilir, çoxlu sayda itkilər var. Biz onların meyitlərini neynəyəcəyik?
Onlara meyit yığanıq? Gəlib öz meyitlərinə sahiblik eləsinlər, yığıb
aparsınlar. Yaxud da mülki əhalinin ərazini tərk etməsi kimi məsələlər var.
İşğal olunmuş ərazidə ermənilər məskunlaşıb. Onlar ərazini tərk etməlidir. Buna
isə döyüşlərin getməsi imkan vermir. Humanitar atəşkəsin imzalanması həmin şəxslərin
ərazidən uzaqlaşdırılmasıdır”.
Bahar
Rüstəmli
