Gəncə şəhərində fərdi yaşayış evində yanğın baş verib.
"Report"un məlumatına görə, hadisə saat 20:15 radələrində şəhərin Nəsirəddin Tusi küçəsində, "Yağ-piy kombinatı"nın yaxınlığındakı evdə baş verib. Hadisə yerinə Fövqəladə Hallar Nazirliyinin (FHN) Gəncə şəhər Dövlət Yanğından Mühafizə İdarəsinin 4 yanğınsöndürən maşını cəlb olunub. Hazırda yanğının qarşısının alınması üçün işlər aparılır.
Yanğının hansı səbəbdən baş verdiyi və xəsarət alan olub-olmadığı barədə hələlik məlumat yoxdur.
Qaynarinfo.Az
