Günün ikinci yarısından başlamış güclü külək və şimşək Gəncədə işıq enerjisinin kəsilməsinə səbəb olub.
Musavat.com-un məlumatına görə artıq 40 dəqiqədən çoxdur ki, Gəncənin əksər yerlərində işıqlar söndürülüb. Bununla bağlı "Gəncə Regional Elektrik Şəbəkəsi" ilə əlaqə saxlanılıb. Oradan bildirdilər ki, güclü külək işıq xətlərini sıradan çıxarıb, buna görə də, şəhərin müxtəlif yerlərinə elektrik enerjisinin verilməsində fasilələr yaranıb. Baş vermiş qəzanın qısa müddətdə aradan qaldırılması üçün iş gedir.
Qaynar.info
