4 335 nəfərlik xoru Sankt- Peterburq Simfonik Orkestri müşayiət edib.
Rusiyanın Sankt-Peterburq şəhərində minlərlə insan eyni vaxtda mahnı oxuyaraq “Ginnesin Rekordlar Kitabı”na düşüblər. Anspress-in xarici mətbuata istinadən verdiyi məlumata görə, “Dünyanın sərhədsiz coşqusu" şüarı ilə bir araya gələn minlərlə insanı Sankt- Peterburq Simfonik Orkesti müşayiət edib.
Konserti izləmək üçün 25 min nəfər İsak meydanına toplaşıb. Aralarında professor, tələbə və işçilərin də olduğu 4 335 nəfərlik xor, dirijor Vladislav Çernuşenkonun rəhbərliyində 14 mahnı səsləndirib. Yağışlı havaya baxmayaraq konsert 50 dəqiqə davam edib.
Təşkilatçılar konsertin “Ginnesin rekordlar kitabı”na düşdüyünü açıqlayıblar.
Qaynar.info
