2020-ci ildə fərdi yaşayış evindən əlil arabası oğurlamaq istəyərkən hasardan yıxılıb ayağı sınan şəxs bu dəfə eyni əməllə yenidən gündəmə gəlib.
Qaynarinfo-nun məlumatına görə, 1995-ci il təvəllüdlü Mürsəlzadə Elşən Bayram oğlu Bakının Suraxanı rayonunda etdiyi oğurluq hadisəsinə görə yenidən həbs edilib.
Bu dəfə onun əməlindən 16 ayrı-ayrı vətəndaşın zərər gördüyü üzə çıxıb.
Belə ki, Elşən Mürsəlzadəyə 16 nəfərin evindən, obyektindən oğurluq etdiyi üçün Cinayət Məcəlləsinin 177.2.2-ci maddəsi ilə cinayət işi açılıb.
İşə Bakı Şəhəri Suraxanı Rayon Məhkəməsinin hakimi Elnur Nuriyevin sədrliyi ilə baxılacaq.
Əhməd
Şərhlər