Yaxın iki gün ərzində Azərbaycanın bəzi yerlərində havanın temperaturu 23 dərəcəyə yüksələcək.
Ekologiya və Təbii Sərvətlər Nazirliyindən Qaynar.info-ya verilən məlumata görə, Bakıda və Abşeron yarımadasında oktyabrın 10-da havanın dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Cənub küləyinin sürəti 8-13 m/s olacaq. Havanın temperaturunun gecə 10-13, gündüz 16-20 dərəcə isti olacağı gözlənilir.
Oktvabrın 11-də havanın dəyişkən buludlu olacağı, arabir tutulacağı, havanın gün ərzində əsasən yağmursuz keçəcəyi gözlənilir. Cənub küləyinin sürəti 8-13 m/s olacaq. Havanın temperaturunun gecə 10-13, gündüz 16-20 dərəcə isti olacağı gözlənilir.
Yaxın iki gün ərzində Azərbaycanın rayonlarında hava əsasən yağmursuz olacaq. Lakin ayın 11-də gecə və səhər bəzi yerlərdə yağış yağacağı gözlənilir.
Azərbaycanın Aran rayonlarında havanın temperaturunun gecə 8-13, gündüz 18-23 dərəcə isti olacağı gözlənilir. Qaynar.info
